Við þurfum að fara að taka til hendinni.

Það væri hægt að framleiða hér miklu meira af grænmeti ef að bændur fengju afslátt af rafmagni. Að nota heitt vatn og rafmagn sem framleitt er með virkjunum kallast vistvænt. Það er mikil eftirspurn bæði í USA og Evrópu eftir vistvænum vörum. Við erum að selja mikið af mjólkurvörum til USA í Wall Mart verslanirnar vegna að þær eru vistvænar. Þessar verslanir væru einnig tilbúar að kaupa vistvænt grænmeti frá Íslandi, ef að verð á þeim væri líkingu við verð annars staðar frá. Ísland í dag er ekki hátekjuland þvert á móti. Íslendingar hafa ekki efni á að hlúa ekki að landbúnaðarframleiðslu. Það er fæðuskortur um allan heim. Háværar raddir hafa verið frá talsmönnum Haga (Baugur ) um að vöruverð gæti lækkað ef að innflutningur verði leyfður. Trúum við þeim gansterum? Nei, þeir eru aðeins að hugsa um eiginn hag enda eiga þeir langstærsta innflutningsfyrirtæki landsins ,Aðföng. Tökum sem dæmi um niðursoðna tómata. Aðföng flytja þá inn og selja þá hagkaupum og síðan selur Hagkaup þér. Þarna er milliliður í eigu sama aðila og smásalan, báðir leggja fulla álagningu á vöruna. Þeir segja síðan að ríkið taki svo mikið til sín í tollum og vörugjöldum.
Það er til niðursuðuverksmiðja á landinu sem heitir ORA. Hún er í eigu Heldverslunnar sem heitir Íslensk - Ameríska. Sú heldverslun er umboðsaðili fyrir Hunts tómatvörur. Það sem heita tómatvörur frá ORA eru erlendar vörur framleiddar erlendis sem eru merktar fyrir ORA. Það eina sem ORA er að framleiða eru grænar baunir og síld, allt annað er framleitt erlendis og merk fyrir ORA. Það væri hægt að framleiða miklu meira af tómötum á ÍSlandi og vinna meira úr þeim. Við erum að flytja inn slíkar vörur þá hlýtur að vera hægt að flytja út eins vörur , þetta er jú sama leiðin og sömu skipin.

Ef við ætlum að búa áfram í þessu landi þá verðum við að brauðfæða okkur að mestu sjálf.